12:07
Saimir Tahiri humbi shansin këtë të enjte. Ish-ministri i Brendshëm nuk rrezikoi të mbante fjalë në Kuvend, pas situatës së tensionuar.
Por, ndryshe nga herët e tjera, këtë radhë në Parlament ai nuk do të flaste si pjesë e grupit parlamentar të Partisë Socialiste, por si deputet i pavarur, ku edhe ka regjistruar emrin për të folur për një nga çështjet e rendit të ditës.
Ndaj ish-ministrit të Brendshëm prokuroria ka ngritur disa akuza për përfshirjen në trafikun e hashashit në Itali.
Akuzat u ngritën menjëherë pas kapjes në Itali të Habilajve, me të cilët prokuroria dyshon se Saimir Tahiri ka bashkëpunuar. Për këtë, Prokuroria kërkoi nga Kuvendi autorizimin për arrestimin e tij, por kërkesa u rrëzua nga mazhoranca.
10:30
Ish-ministri i Brendshëm Saimir Saimir Tahiri, tashme deputet i pavarur, pas vendimit te Ramës për përjashtimin e tij nga grupi parlamentar i PS-së, do të jetë pjesë e diskutimeve të sotme në seancën plenare.
Ai ka kërkuar fjalën dhe emri i tij, si duket edhe në foto është pjese e deputeteve që kanë emrin në listë për diskutim nga foltorja e Kuvendit.
Kujtojmë se vetëm një ditë më parë raporti i Freedom House për vendin tonë, shkruante mes të tjerash se “Përparimi në rënien e kultivimit të kanabisit u zbeh nga njoftimet e agjencive italiane të rendit se ish-Ministri i Brendshëm Saimir Tahiri ishte i lidhur me një rrjet shqiptaro-amerikan të trafikut të drogës”.
Rendi i ditës në Kuvend
Raporti i veprimtarisë vjetore të Entit Rregullator të Ujit për vitin 2017
Raporti i veprimtarisë vjetore të Komisionit Qendror të Zgjedhjeve për vitin 2017
Projektligj “Për ratifikimin e marrëveshjes, ndërmjet Këshillit të Ministrave të
Republikës së Shqipërisë dhe qeverisë së Republikës së Kosovës, për vërtetimin e
periudhave të sigurimit për realizimin e së drejtës për pension”
Projektligji “Për ratifikimin e marrëveshjes së financimit, ndërmjet Republikës së
Shqipërisë, Republikës së Italisë dhe Komisionit Evropian, për programin Interreg V-B
Adriatiko-Jonian (ADRION) 2014-2020””
