Aktorja Arjola Demiri, kur ishte në shtëpinë e “Big Brother” shprehu dëshirën të ishte moderatore e “Portokalli”-së. Por edhe Xhemi Shehu ka deklaruar se do të rikthehet në ekranin e “Top Channel”, duke nisur kështu aludime se mund të rikthehet gjithashtu si prezantuese e “Portokalli”-së.
Sezoni i “Portokalli”-së rinis në fillim të muajit të ardhshëm, në datë 6 mars. Mbetet i paqartë pozicioni i Fjoralba Ponarit në format, deri në publikimin e promos të sezonit të ri.
Nga ana tjetër, vetë aktorët kanë zbuluar se Fjoralba do të jetë përkrah Salsanos në drejtim.
“@fjoralba.ponari, këtë sezon do kemi fatin të ndjejmë magjinë e publikut më në fund!”, ka shkruar Rezart Veleshnja, duke konfirmuar kështu jo vetëm moderimin nga Fjoralba, por edhe rikthimin e publikut në skenën e humorit.
Mesa duket, këtë sezon Arjolës nuk do t’i plotësohet dëshira e saj, të cilën e shprehu gjatë sfidës së kutisë së Pandorës.
