Kryeministri i Kosovës Albin Kurti përgjatë një deklarate për “RTK”, theksoi se nuk mund të ketë marrëveshje me Serbinë, nëse Presidenti Aleksandar Vuçiç, është ende i mendimit se “edhe ne duhet të fitojmë diçka”.
Kurti thumboi Vuçiç, teksa deklaroi se qeveria e Kosovës “nuk është për të kompensuar orekset, por për të shëruar plagët”.
“Kjo nuk mund të jetë pikënisje e zgjidhjes së problemit. Nuk jemi këtu për të kompensuar orekset, por për të shëruar plagë. Me një qasje të tillë nuk shoh se ne mund të gjejmë zgjidhje, por bashkë me shtetet perëndimore mund të krijojmë një kontekst ku mund të gjendet zgjidhje”, tha Kurti.