Drejtori i Përgjithshëm i OBSH-së Dr. Tedros Adhanom Ghebreyesus ka deklaruar se Organizata Botërore e Shëndetësisë do të testojë 4 ilaçe ose kombinime barnash, të licensuara dhe të përdorura tashmë për sëmundje të tjera, për të kuruar koronavirusin.
Mësohet se10 shtete kanë shprehur tashmë gadishmërinë për të marrë pjesë në studim.
“OBSH-ja dhe partnerët e saj po organizojnë një studim në shumë vende, ku disa prej këtyre trajtimeve të paprovuara krahasohen me njëri-tjetrin. Ky studim i madh, ndërkombëtar, i cili është hartuar për të gjeneruar të dhëna të plota e të sakta që na duhen për të vlerësuar se cilat trajtime janë më efektive, është quajtur Studimi i Solidaritetit”, tha ai gjatë konferencës për media në Gjenevë.
“Studimi i SOLIDARITETIT ofron procedura të thjeshtuara për të mundësuar edhe pjesëmarrjen e spitaleve që ndërkohë kanë qenë të mbingarkuara. Shumë shtete kanë konfirmuar tashmë se do t’i bashkohen Studimit të Solidaritetit… Argjentina, Bahreini, Kanadaja, Franca, Irani, Norvegjia, Afrika, Spanja, Zvicra dhe Tajlanda dhe besoj se do t’i bashkohen edhe shumë të tjerë”, vijoi Drejtori i Përgjithshëm i OBSH-së.
