Vala e arrestimeve të ndodhura ditën e dielë, nxori në dritë edhe disa emra të tjera të të arrestuarve të lidhur me zyrtarë të lartë. Bëhet fjalë pikërisht për Altin Isaraj, vëllain e Drejtorit të Përgjithshëm të Shërbimeve të Transportit Rrugor, Arben Isaraj. Edhe pse ky i fundit është arrestuar tre ditë më parë, vetëm pas ngjarjeve të fundit u bë publik emri i tij. Isaraj u arrestua me pistoletë pa leje dhe me 0.6 gramë kokainë.
47 vjeçari u arrestua me akuzën “trafikim të armëve dhe municioneve” dhe “shpërndarje të lëndëve narkotike”. Por, lajmin për këtë arrestim e bëri të ditur që ditën e djeshme gazetari Basir Çollaku. Nëpërmjet një postimi në Facebook, Çollaku shkruan se Policia po e mbante të fshehur arrestimin e Isarajt, duke ngritur edhe disa pyetje.
Postimi i plotë
Isaraj arrestim qe mbahet fshehur.. ?!?!
Dite arrestimesh qe njoftohen me buje por ka dhe nga ato ndalim-arrestimet qe mbahen pak fshehur nga Forca e Ligjit. A eshte arrestuar dje ne Tirane, Altin Isaraj (vellai i Arben Isarajt) per armembajtje pa leje dhe 0.6 gram kokaine?!?!? A eshte derguar per mase sigurie arrest me burg kerkesa e prokurorise?!?! A e kane mbajtur fshehur policia sepse ka qene nderhyrje e madhe ??!.
A ka nderhyrje per ta kthyer ne detyrim paraqitje me pretekstin se eshte i semure??!?!
A ka pasur sukses nderhyrja ne prokurori ndonese ajo kerkon arrest me burg?!?!
A ka pasur dhe ndalime te tjera te ngjashme keto dy muaj dhe eshte kerkuar detyrim paraqitje ?!?!
A ka gjykates ish drejtues ne drejtesi per te bere nder Isarajt??
