“Kur më shihni se jam tretur, mos kujtoni se kam vdekur”. Më 20 tetor 1900 ndërroi jetë poeti kombëtar Naim Frashëri.
(Me kërkesë së Qeverisë së Mbretit Zog, në 3 qershor 1937, me rastin e 25 vjetorit të Pavarësisë, u sollën në Shqipëri eshtrat e Naim Frashërit. Në foto, ceremonia e varrosjes së eshtrave të Naim Frashërit në oborrin e Kryegjyshatës Botërore Bektashiane)
Naim bej Frashëri i njohur mësë shumti si Naim Frashëri ka qenë poet dhe shkrimtar shqiptar, një nga përfaqësuesit më të shquar të Rilindjes Kombëtare dhe figura qendrore e letërsisë së Rilindjes. Ai u pagëzua “apostull i shqiptarizmës” dhe “bilbil i gjuhës shqipe”.
Vepra poetike e Naimit vuri bazat e letërsisë kombëtare, dhe luajti rol të rëndësishëm në zgjimin e vetëdijes atdhetare. Naimi i këndoi mallit e dashurisë për atdhe, krenarisë kombëtare dhe të kaluarës së lavdishme të shqiptarëve.
