Familjarët e 11-vjeçarit shqiptar, Alvin Berisha, i cili u lirua pak ditë më parë nga kampi Al-Hol, kanë ndarë momentet emocionuese që kanë përjetuar nga kthimi i vogëlushit të tyre në shtëpi.
Gjyshi i tij ka rrëfyer për emisionin “Open” çastin prekës kur u takua me nipin e tij pas pesë vitesh.
“Kur erdhi e më pa tek shkallët, m’u hodh në qafë, më përqafoi dhe tha gjyshi. Unë e përqafova dhe e putha në dy faqet. Gëzimi ishte shumë i madh. Më kishte mbajt mend edhe në Siri se edhe atje i ka thënë Afrimit më ço tek gjyshi”, u shpreh gjyshi i Alvin.
Babai i 11-vjeçarit, Afrim Berisha nuk hezitoi të falenderojë autoritetet shqiptare, në veçanti presidentin Ilir Meta
Falënderoj shumë shumë Presidentin e Republikës, Ilir Meta për ndihmën që na ka dhënë. Më priti tre ditë”, deklaroi ai.
