Një kërkesë nga ana e Rudina Islamajt për ndryshim të trupit gjykues, ka sjellë përplasje mes kësaj të fundit dhe avokates Eni Çobani në sallën e Gjykatës së Apelit të Gjirokastrës.
Avokatja Çobani ka qenë kundër dhe kështu mes palëve lind një konflikt i ashpër verbal në sallën e gjyqit këtë të mërkurë. “Nëqoftëse kjo zonja e ka ngjitur me shtëpinë gjykatën e apelit unë vij katër orë nga Tirana”, është një argumentet që shpreh avokatja në sallën e gjyqit, shkruan Panorama.
Çobani është avokate e shtetases Merushe Makri, e cila në vitin 2016-të u përfshi në një konflikt me ish-nusen e djalit të saj, Rudina Islamaj, raporton Panorama. Sherri mes tyre u bë publik edhe në rubrikën “Shihemi në gjyq” që drejton Çobani, ku vjehrra akuzoi nusen se e kishte rrahur dhe nxjerrë nga banesa.
Në senacën e sotme, nga njëra anë ishte e pranishme Eni Çobani, e cila përfaësoi klientët e saj me një prokurë të posaçme. “Më ka zgjedhur mua me prokurë të posaçme”, thotë Eni Çobani në fillim të seancës. Ndërsa nga pala tjetër, Rudina Islamaj kishte zgjedhur të paraqitej pa avokat.
Islamaj këron ndryshimin e trupit gjykues, por kjo kundërshtohet nga pala tjetër. Pas debateve, në fund pranohet kërkesa e saj.
Debatet
Eni Çobani: Mund të jap një mendim i nderuar …
Rudina Islamaj: Mendoj që nuk ka ndonjë vlerë këtu kjo, pjesë sepse…
Eni Çobani: Sepse, asnjë nga këto vendime nuk ka lidhje me vendimin për të cilin ne gjykojmë sot. Nëqoftëse kjo bëhet në mënyrë të përsëritur, ne kemi qenë këtu së bashku kur një avokat kërkoi përjashtimin e njërit anëtar të trupit gjykues dhe mund ta bënte edhe zonja atë ditë pikërisht të njëjtën kërkesë, çfarë është kjo? Vetëm një gjë dua të them para trupit gjykues pavarësisht se ku mund të vazhdojë me procedurën. Unë jam një nga njerëzit që e njoh jo mirë, por e njoh në themel këtë procedurë.
Rudina Islamaj: Kjo s’është korrekte…
Eni Çobani: Të lutem kur flas unë ti mos fol!
Rudina Islamaj: Jo…
Eni Çobani: Kur flas unë ti mos fol! Dhe kjo zonja këtu do kontrolluar njëherë përpara se kjo vjen me çimka. Duhet kontrolluar njëherë se kjo vjen me çimka këtu. Unë nuk jam as Merushja as Mihali as Guximi. Ulu aty!
Rudina Islamaj: Mba distancat…
Eni Çobani: Ulu aty!
Rudina Islamaj: Të lutem nga distancat …
Eni Çobani: Ulu aty edhe dëgjo kur flas në rregull! Se të njoh shumë mirë.
Kryesuesi i trupit Gjykues: Ta mbaroj fjalën ajo…
Rudina Islamaj: Jo. Ta mbaroj fjalën ajo …
Eni Çobani: Unë nuk jam nga ata personat që regjistron ti nëpër telefona. Kështu që ulu aty! Atëherë edhe njëherë i nderuar kryetar i seancës dhe trupit gjykues, kjo është një zvarritje e padrejtë. Unë kam reagimin si përfaqësuese e të dy personave si Mirushes dhe Mihalit. Nëqoftëse kjo zonja e ka ngjitur me shtëpinë Gjykatën e Apelit unë vij katër orë nga Tirana. Dhe nëqoftëse kësaj nuk i bën përshtypje kjo e përsëris prapë: Këtu do më kesh. Jo trup tjetër gjykues po kudo që ta çosh ti unë do të jem këtu. Unë e kuptoj se për çfarë i bën ti këto.
Rudina Islamaj: E para…
Eni Çobani: Ti se bën për këta zotërinjtë këtu…
Rudina Islamaj: E para…
Eni Çobani: Ti e bën për përfaqësuesin ligjor.
Rudina Islamaj: Dhe e Dyta… Mos më kërcëno…
Eni Çobani: Unë nuk kërcënoj, Unë nuk kërcënoj, unë flas në bazë të ligjit, dhe ti zonjë do kontrolluar të paktën kur hyn në gjykatë, sepse ti je me çimka. Dhe ti regjistron në mënyrë të paligjshme dhe kaq po them. Faleminderit! Faleminderit!
Kryesuesi i trupit Gjykues: Meqenëse ka një kërkesë përjashtimi do ta ndërpresim seancën gjyqësore. Kërkesa për përjashtimin e trupit gjykuese do vihet në dispozicion.
Eni Çobani: Këtu do më kesh mos ki merak…
Rudina Islamaj: Edhe ti mua…
Telefonatat në Polici
Rudina Islamaj ka pasur disa telefonata me punonjës së policisë, të cilëve u ka kërkuat ndërnyje në gjykatë pasi është kërcënuar. Nga ana tjetër e telefoni, i është thënë se duhet të paraqitet në polici për të bërë një kallëzim.
Burime policore pohojnë se emri i Eni çobani nuk figuron në regjistrin e personave të shoqëruar. “Nuk ka patur motiv për shoqërim duke qenë se nuk është bërë kallëzim”, thonë burime nga policia.
