Autori i masakrës së Selenicës, Ritvan Zykaj ka dalë ditën e sotme në seancën e radhës gjyqësore. Ai akuzohet për vrasjen e 8 personave në fshatin Resulaj, mes të cilëve humbën jetën dhe dy të mitur.
Zykaj, jo vetëm që shfaqej shumë i qetë në seancë, por në një moment i ka pyetur oficerët se “kur do ta shoh veten në televizor?!”.
Prokuroria ka kërkuar për 24-vjeçarin burgim të përjetshëm, por vendimi final ende nuk është dhënë. Në këtë senacë pritej të merreshin në shqyrtim deklarimet e të afërmve të Ritvan Zykajt pas masakrës, por sipas burimeve ngë Prokuroria ata nuk ndodhen në Shqipëri.
Zykaj ishte braktisur jo vetëm nga të afërmit, por edhe nga avokatët e caktuar. Ndërsa mësohet se 30-vjeçari ka thënë vetëm fjalët: Nëse është e mundur, seanca të zhvillohet.
Mirëpo, seanca nuk mund të zhvillohej pa avokatët. Ndërkohë, trupi gjykues i përbërë nga Relator Ervin Trashi, Skander Haluci dhe Laurent Fucia, vendosi shtyrjen e seancës për në datë 17 qershor, ora 14:00.
