Kryetari i AAK-së Ramush Haradinaj ka deklaruar se Qeveria e re në Kosovë mund të formohet brenda pak ditësh.
“Nënshkrimi për koalicion qeverisës mund të ndodhë brenda pak ditëve. Nuk mund të marrë më shumë se një javë”, tha Haradinaj.
Ky i fundit foli gjithashtu në lidhje me takimin e zhvilluar në ambientet e Kuvendit të Kosovës me të mandatuarin e LDK-së për kryeministër, Avdullah Hoti:
“Zoti Hoti më informoi se ka marrë besimin e partisë për t’u mandatuar për kryeministër dhe ka shprehur bashkëpunimin dhe shprehu gatishmërinë që të bashkëpunojmë në një qeveri. Aleanca e jep përkrahjen dhe do ta përkrahim. Janë procedurat kushtetuese të mandatimit, pastaj përgatitja e një qeverie”.
