Deputeti i Bundestagut gjerman Gunther Krichbaum ka deklaruar se reformat e deritanishme të Shqipërisë nuk janë të mjaftueshme që asaj ti hapen negociatat me BE-në.
Kjo deklaratë nuk i ka përlqyër aspak kryeministrit Edi Rama i cili e ka kundërshtuar fort këtë deklaratë. Edhe sonte ai theksoi se sa herë dëgjon Krichbaum i duket sikur Partia Demoktratike flet në gjermanisht. I ftuar sonte në emisionin “Tonight Ilva Tare” në Ora News, Rama u shpreh se të gjitha pakënaqësitë e Partisë Demokratike janë dhe pakënaqësitë e Krichbaum. Kryeministri deklaroi Krichbaum se merr informacione të përditshëm nga selia e Partisë Demokratike.
“Nuk është sekret që deputeti i Merkel ka një mëndim të konsoliduar për qeverinë tonë. Ne i kemi thënë në sy njëri tjetrit atë që mendojmë. Kur ai flet unë dëgjoi partinë demokratike në gjermanisht. Të gjitha pakënaqësitë e Partisë Demokratike janë dhe pakënaqësitë e tij. Krichbaum merr informacione të përditshëm nga selia e Parisë Demokratike,” deklaroi Rama.
