Vllaznia dhe Skënderbeu janë dy skuadrat të cilat do të ndeshen në finalen e Kupës së Shqipërisë, pasi kanë eliminuar respektivisht Laçin dhe Teutën.
Për ekipin shkodran është një rikthim në finalen e këtij kompeticioni që mungonte prej 11 vitesh, koha kur u ndeshën ndaj Shpëtim Duros dhe Besës së tij.
Mjaftoi goli i Ardit Hoxhaj për të eliminuar Laçin, teksa Victor Da Silva kishte mundësinë të shënonte edhe golin e dytë, por gaboi.
Fitorja më e bujshme është ajo e Skënderbeut që mundi 2-0 Teutën e Durrësit, duke mbetur edhe me dhjetë futbollistë që në pjesën e parë pasi Berisha pas golit festoi dhe mori të verdhën e dytë duke dalë me të kuq.
Korçarët e kanë fituar vetëm një herë kupën, atë kundër Laçit më 2018. Ndërkohë, në finale janë ndeshur me Vllazninë më 1965 dhe e kanë humbur me rezultatin 1-0.
