Kupa e Italisë premton emocione në dy gjysmëfinalet që ka rezervuar. Është përcaktuar edhe kalendari se kur do të zhvillohen ndeshjet të cilat janë me sistem vajtje-ardhje, ndryshe nga përballjet deri në çerekfinale që ishin me eliminim direkt.
Në 30 janar do të zhvillohet ndeshja e parë ku Atalanta, që është surpriza e vërtetë këtë sezon në Itali do të presë Juventusin në “A’tleti Azurri” të Bergamos në sfidën e parë në orën 20:45. Ndërsa një ditë më pas në “San Siro” Milani do të presë Lazion. Ndeshjet e kthimit do të zhvillohen të mërkurën në 28 shkurt me Juventusin dhe Lazion që do të jenë skuadrat pritëse.
