Aktori i njohur Bujar Asqeriu në një intervistë televizive u shpreh se ishte kundër shembjes së Teatrit Kombëtar.
Në vijim ai theksoi se asnjëherë s’ka qenë me Aleancën për Mbrojtjen e Teatrit, pasi sipas tij, ata trokasin në dyert e partive.
“Unë s’kam qenë asnjëherë me Aleancën. Kisha mendim tjetër. Mendimi im ishte që të ishim skalion artistik. Nuk kisha pse t’i bija derës së partisë politike, këta i binin partive.
Por përderisa shkonin në parti, çfarë do të thotë kjo.
Ne duhet të zgjonim artistët, rininë, qytetarët. Më pas kur i thërriste Presidenti, i thoja: ore shkuat, po, po mua pse s’më njoftuat? Unë s’mund të bëhesha protagonist dhe të luftoja në mullinjtë e errës.
Metodat e vjetra përça dhe sundo vijojnë. Teatri nuk është pronë partie, por e kombit.
Nuk bëhet me grushta Teatri. Teatrin e mbron Fatos Lubonja, Aurel Plasari, Maks Velo.
Prisja që qeveria t’i vinte gishtin kokës. Po bën atë ndërhyrje barbare, as El Chapo, kryetrafikanti i Meksikës nuk u sulmua me aq policë”, tha Asqeriu në “News24”.
