Nga foltorja e Kuvendit kryeministri Edi Rama, me akuza dhe me ironi ka replikuar pas akuzave të adresuar nga ana e opozitës për koncesionet, kryesisht në shëndetësi.
“Meqë Nasipi iku se e nxori dikush jashtë, por është Flori këtu. Keni paguar nga buxheti 100 euro kilovatin, HEC i Ashtës. Tregoni përralla këtu, të gjitha koncesionet tuaja janë me tarifë të caktuara nga shteti, me kë i paguani ju, ju paguani HEC që mund të mos shesin prodhimet e tyre. Tani më tregoni mua një koncesion ku ne kemi garantuar tarifën me lekët e buxhetit.
Thotë Luli risku është te privati, ca risku ka marrë ai i kolaudimit të mjeteve. Unë Lulit nuk ia marr për keq, nuk e di si bëhet puna dhe si lidhem gjërat, por profesorit ia marr për keq, nëse dhe ai nuk e di ne jemi gat të bëjmë PPP me ju, aty riskun e keni ju, ne nuk marrim risk, kështu jeni si një ndërmarrje e falimentuar që do treg, por treg s’ka.
Lulzim dëgjo, nuk të fyej, por që ti gënjen dhe gënjen sikur këndon është e sigurt, fole për sterilizimin, si është e vërteta: brenda është dhe ishte shumë thellë në palcën e kurrizit të publikut, jeni fenomenal, ndërtuat një godinë, dy kate bosh, veglat në qese, më shiko në sy Tritan, se po të dëgjojnë mjekët e spitalit dhe mes kolegëve dhe kryetarit të partisë duhet të zgjedhësh të vërtetën”, tha Rama.
Ndërsa, në përgjigje të akuzave të kryedemokratit Basha për rrezikun e pastrimit të parave të drogës dhe të krimit në vend, si pjesë e strategjisë së Ramës për të mbajtur pushtetin i ka kujtuar emrat e 4 biznesmenëve, që si ka thënë vetë, janë për çudi votues të PD-së.
“Eja këtu dhe më thuaj Lulzim, Zamir Mane është pjesë e skemës së pastrimit të parave, më thuaj këtu, Shefqet Kastrati është te kjo lista jote, Bashkim Ulaj është, po Ramë Geci, se unë këta njoh si biznesmenë që kanë kërkuar të ndërtojnë kulla dhe që janë njerëz që e kanë vënë pasurinë ndërkohë që ti ishe ende në Hollandë, Lulizim. Të mbiu goja në drogë, sikur jeni nën efektin e drogës kur flisni, nuk kam asnjë problem unë, por ju cenoni direkt këtë vend, duke cenuar njerëzit e këtoj vendi para të cilëve ti dhe unë duhet të rrimë me respekt. Boll më erdhe këtu, se ti lulit të vocërr as te këpuca e shqyer nuk i afrohesh dot”- tha ai.
