Kukësi vazhdon të ecë me hapin e kampionit, pasi fiton në ndeshjen e javës së 5 përballë Lushnjës. Me këtë fitore kuksianet barazojnë me pikë përkohësisht vendin e parë që mbahet nga Skënderbeu, pasi këta të fundit luajnë pas pak përballë Laçit në Korçë. Në Lushnjë formacioni i tekikut Milinkoviç, vuajnë në pjesën e parë e cila mbyllet në rezultatin e bardhë pa gola. Tjetër histori luhet në pjesën e dytë, pasi vendasit ndëshkohen me karton të kuq që në minutën e 47’, i përjashtuari është Spaho. Vetëm 10’ minuta më vonë Kukësi zhbllokon rezultatin me anë të Gurit, ndërsa në harkun kohorë të dy minutave e dyfishojnë rezultatin me Aliev. Duket se epërsia numerike ndikoi shumë në lojën që po zhvillonin lushnjarët, pasi mbas të kuqit loja e tyre ra dhe komandën e morën kuksianet.
Kamza bën ligjin në Gjirokastër përballë Luftëtarit dhe merr fitoren e patë në këtë sezon duke u ngjitur në kuotën e 6 pikëve. Është Racic që shënon që në minutën e 12’ për miqtë, por llogaritë prishen në minutën e 32’ kur Fustra ndëshkohet me të kuq për Kamzën. Pjesa e dytë bëhet më agresive deri në momentin që gjirokastritet barazojnë rezultatin, goli shënohet nga Bregu në të 63’ minutë. Presioni rritet nga vendasit të cilët po kërkonin që ta fitonin ndeshjen, por në fund festa do tu takojë miqve që fitojnë një 11-metërsh në sekondat e fundit të ndeshjes. Pas një ndërhyrje të gabuar në zonë nga Miraku i cili ndëshkohet edhe me karton të kuq. Penalltia do të ekzekutohet nga Racic që e kthen në gol dhe në fitoren e parë te ekipit të tij të ri Kamzës, pa dyshim që ai ishte njeriu i ndeshjes me dy golat e shënuar.
Vllaznia-Flamurtari janë mbyllur në paqe, me një rezultat të barabartë 1-1. Flamurtari shfaqet më rrezikshëm në fushë në fillim të ndeshjes dhe gjen golin në minutën e 17’ në ‘Loro Boriçi’ me anë të Busic. Presioni vazhdon të bëhet nga miqtë në pjesën e parë por që në fundin e takimit Vllaznia fiton një penallti në të 45’ minutë. Është Olsi Gocaj që merr përsipër ekzekutimin dhe nuk gabon por dërgon topin në rrjetë. Pjesa e dytë nuk rezervon shumë surpriza pasi të dy ekipet po ruheshin që të mos pësonin dhe nuk po sulmonin. Ndeshja u mbyll në barazim, rezultat që nuk kënaq asnjërin ekip, pasi drejtuesit kanë kërkuar fitore në ndeshjet në vazhdim ndryshe do merreshin masa. Flamurtari është ngjitur në vendin e tretë me 8 pikë, ndërsa Vllaznia mban vendin e shtatë me 5 pikë.
