Kukësi ka zhvilluar një ndeshje të madhe përballë gjeorgjianëve të Torpedos në “Elbasan Arena”, por që 2-0 nuk ka mjaftuar për të vazhduar eksperiencën në Europa League. Një ndeshje dramatike e luftuar nga të besuarit e Cungut deri në minutën e fundit, por që për fatin e keq nuk arritën të gjejnë golin e tretë pavarësisht rasteve të shumta që u krijuan.
Ndeshja e parë në Gjeorgji kishte përfunduar 5-2 dhe Kukësit i duhej të fitonte 3-0 për tu kualifikuar në turin tjetër. Kështu Kukësi i ka thënë mbrëmjen e të enjtes lamtumirë aventurës europiane për këtë sezon, me një paraqitje dhe ecuri dinjitoze.
Të dy golat në këtë sfidë janë shënuar nga Reginaldo, nga pika e bardhyë e penalltisë, respektivisht një në çdo pjesë. Ishte Dzaria që shpërdoroi një rast flagrant vetëm pak nga fundi, ndërsa më pas Shkodra lëshon një prell nga jashtë zone, por portieri i gjeorgjianëve bën mrekullinë. Pavarësisht presionit të ushtruar dhe spostimit në zonën kundërshtare deri në vërshëllimën e fundit të arbitrit, Kukësi nuk mundi dot të shënojë golin e tretë dhe të kualifikimit.
Kukësi-Torpedo Kutaisi 2-0 (4-5)
Shënues: Reginaldo 29’ (11-m) 75’ (11-m)
Kukësi: Maloku, Shameti, Alla, Rumbullaku, Maliqi, Musolli, Kordeiro, Dzaria, Ethemi, Harba, Reginaldo.
Torpedo Kutaisi: Kcaskhavadze, Khurtsilava, Tsinstsadze, Kukhianidze, Akatsiky, Kolidze, Kimadze, Marin, Hilinka, Kobakhidze, Lanci.
