Një punëtor ka ndërruar jetë teksa punonte në një gurore në Kukës. Ngjarja ka ndodhur në fshatin Bicaj, ku ka mbetur i vdekur tragjikisht një 52-vjeçar me iniciale N.N.
Policia ka arrestuar sot në flagrancë administratorin e firmës private dhe shoferin e fadromës, përkatësisht shtetasit G.B dhe F.H, 52 dhe 62 vjeç.
Njoftimi i policisë:
Më datë 24.08.2017, u arrestuan në flagrancë shtetasit: G.B dhe F.H, vjeç 52 e 62, banues në fshatin Bicaj, administrator i një firme ndërtimi dhe shofer fadrome, pasi në Bicaj, në gurore duke punuar është aksidentuar me pasojë vdekje punonjësi N.N, vjeç 52, banues në Bicaj. Neni 289 i Kodit Penal.
