Disa orë më parë u shfaq audio e fundit në Whatsapp, e dërguar nga Diego Armando Maradona. Disa ditë para se të vdiste, “El Pibe de Oro” i dërgoi një mesazh Mario Baudry, të dashurit aktual të ish-partneres së tij, Verónica Ojeda, dhe me zemër të hapur rrëfeu se si e sheh ish-partneren e tij.
Po kështu, bëri një kërkesë shumë të veçantë për djalin e tij, Dieguito Fernando: “Përshëndetje Mario, unë jam Diego. E di që do të duket e pabesueshme për ty, por unë e shoh mirë Veron. Ajo më tha se është koha që të jetojë me ty. Kujdesu për të dhe për engjëllin tim, që nuk ka krahasim me asgjë”.
Regjistrimi audio u transmetua nga Luis Ventura në programin e tij “Secretos Verdaderos”. Audio vazhdon me një zë mjaft të qartë dhe të drejtpërdrejtë nga Maradona: “Shikoni, unë kam shumë fëmijë, por ky do të m’i shtojë thinjat. Përqafime”.
Veronica Ojeda nuk ka folur publikisht, pas vdekjes së Maradonës. Në orët e fundit, hetimet për vdekjen e Diegos kanë pësuar një pikë kthese, me Orlando Díaz, gjykatës i garancive të San Isidro, i cili kërkoi që shtëpia dhe zyra private e Leopoldo Luciano Luque, neurokirurgu dhe mjeku i fundit personal i futbollistit më të mirë të të gjitha kohërave, të kontrolloheshin nga policia. Hipoteza e krimit, e parashikuar nga Zyra e Prokurorit në San Isidro, është vrasje pa dashje dhe neglizhencë personale, por hetuesit janë në pritje të provave të tjera.
