Numrat e telefonave fiks të disa institucioneve, por edhe linja e gjelbër “0800” e vënë në dispozicion të qytetarëve për të denoncuar nuk funksionojnë.
Emisioni “Boom” në RTV Ora News ka bërë një investigim, duke telefonuar në numrat që janë të publikuara në faqet zyrtare të institucioneve, ku publiku informohet në kohë reale.
Linja e gjelbër që përdoret për të denoncuar korrupsionin në institucione si kryeministria apo policia e shtetit nuk punon. Numri 0800 09 09 i vënë në dispozicion nga kryeministria nuk funksionon.
Kryeministria
Edhe numrat e gjelbër në Policinë e Shtetit 0800 1100 dhe 0800 1212 nuk funksionojnë.
Policia e Shtetit
Policia e Shtetit
Dy numrat e vënë në dispozicion në Drejtorinë e Përgjithshme të Burgjeve 00355 4 2254544/ 162 nuk funksionojnë. Të telefonuar nga gazetarja e BOOM, rezultoi që në numrin e parë del sekretaria telefonike në gjuhën angleze, ndërsa në numrin e dytë përgjigjet një zotëri, i cili thotë se janë familje.
Drejtoria e Përgjithshme e Burgjeve
Një tjetër institucion, ku gazetarja e BOOM tentoi të telefononte është Autoriteti Kombëtar i Ushqimit, aty ku ankesat janë më të mëdha. Ashtu si në Drejtorinë e Burgjeve, edhe këtu në numrin 042 261 137 që është vendosur në dispozicion nga ky institucion u përgjigj një person që tha se është familje.
Autoriteti Kombëtar i Ushqimit
Personi kërkoi një ndihmë për të komunikuar me institucionin e AKU dhe për të bërë ankesë.
Edhe numrat fiks te institucioni i Ministrisë së Zhvillimit Urban, te Drejtoria e Përgjithshme e Arkivave dhe Njësia e Transportit Mjekësor me Helikopter në varësi të Ministrisë së Shëndetësisë, dalin numra të pasaktë.
Ministria e Zhvillimit Urban
Drejtoria e Përgjithshme e Arkivave
Njësia e Transportit Mjekësor me Helikopter
E njëjta situatë është edhe te Ministria e Bujqësisë dhe ajo e Integrimit ku numrat jeshilë të publikuara në faqet e tyre zyrtare nuk funksionojnë.
Ministria e Bujqësisë
Ministria e Integrimit
