Kujdes! Marrja çdo ditë e një aspirine, mund të jetë fatale për jetën; Studimi

Personat mbi 75 vjeç që marrin aspirina çdo ditë pas një goditjeje në tru ose sulmi kardiak, janë të rrezikuar nga gjakderdhjet e mëdha dhe nganjëherë fatale, të stomakut.
Mjekët përgjithësisht përshkruajnë aspirinë të përditshme pasi një person ka kaluar një goditje në tru apo sulm kardiak për të ndihmuar në parandalimin përsëritjes, por studimi i fundit sugjeron të jemi të kujdesshëm.
Shkencëtarët këmbëngulin se aspirina ka përfitime të rëndësishme, të tilla si parandalimi i sulmeve në zemër, por nuk përjashtojnë edhe efektin anësor.
Gjithashtu ata paralajmërojnë se ndalimi i aspirinës papritmas, mund të jetë i dëmshëm, ndaj sugjerojnë një reduktim gradual.
Një grup shkencëtarësh nga Universiteti i Oksfordit, përfshinë në studimin e tyre 3,166 pacientë të cilët më parë kishin pasur një goditje në tru ose sulm në zemër, të cilët janë trajtuar me aspirina ose medikamente të ngjashme.
Ata konstatuan se për pacientët nën moshën 65 vjeç, shkalla vjetore e gjakderdhjes ose e gjakderdhjeve fatale ishte më pak se 0.5% (një në çdo 200 persona që merr ilaçe).
Ndërkohë, për njerëzit nga 75 deri në 84 vjeç, treguesi u rrit në tre për çdo 200 persona, dhe rreziqet e gjakderdhjeve fatale ose paaftësie vazhduan të rriteshin me moshën.
Hulumtuesi kryesor Peter Rothwell tha, “Gjetjet tona ngrenë pyetje rreth balancës së rrezikut dhe përfitimit të përdorimit të përditshëm të aspirinës gjatë natës, për personat e kësaj kategorie”
Dr Tim Chico, specialist i zemrës në Universitetin e Sheffield, tha: “Ndonëse gjakderdhja është një efekt i njohur i aspirinës, ky ilaç ende shihet nga shumë njerëz si i padëmshëm, ndoshta edhe për shkak se blihet më lehtë”
Ndërkohë, udhëheqësja e GP, Helen Stokes-Lampard, tha: “Studimi na siguron se në shumicën e rasteve aspirina është ende kursi më i përshtatshëm i trajtimit për pacientët, por thekson rëndësinë e menaxhimit të përdorimit të saj me kujdes dhe në mënyrë efektive dhe se disa pacientë mund të kërkojnë medikamente shtesë për t’i mbrojtur ata. “/bbc/