Paraditen e kësaj të diele është gjetur një trup i pajetë në një kanal uji, në fshatin Kozare, të Kuçovës. Ngjarja ka ndodhur në orën 11:00 të paradites së sotme, 10 dhjetor 2017.
Me të marrë njoftimin në sallën operative, uniformat blu janë nisur drejt vendit të ngjarjes, ku kanë bërë të mundur nxjerrjen e kufomës. Nga verifikimet e para i ndjeri është identifikuar me inicialet Ll.B, i moshës 62 vjeç dhe banues në Kozare.
Nga mbikëqyrja e parë ka rezultuar se në trupin e 62-vjeçarit nuk ka shenja dhune, ndaj dyshohet që vdekja e tij të ketë qenë aksidentale. Një tjetër supozim është që për shkak të ndonjë problemi shëndetësor ai të ketë humbur ekuilibrin dhe të ketë rënë në kanalin kullues.
Sidoqoftë, grupi hetimor po punon për zbardhjen e plotë të episodit dhe nga komunikimi me familjarët është mësuar se Ll.B vuante nga probleme mendore.
