Laçi është kualifikuar në raundin e dytë të Europa League, një kualifikim historik për kurbinasit pasi eliminuar qipriotët e Anorthosis. Kurbinasve u ka mjaftuar një fitore minimale 1-0, me gol të shënuar vetëm 2’ minuta nga fundi me autor Uzunin.
Ndeshja e luajtur sot në Laç ka qenë e luftuar nga të dyja palët, me vendasit që kanë krijuar disa raste kërcënuese, por që nuk kanë arritur t’i shfrytëzojnë si duhet. Por në fund një krosim perfekt i Sefgjinit gjen Uzunin në zonë dhe ky i fundit godet me kokë duke e dërguar në rrjetë. Ndërsa vetëm dy minuta më pas miqtë kanë barazuar, por goli është anuluar nga arbitri. Kujtojmë që në transfertë Laçi ishte mposhtur 2-1 dhe i mjaftonte një gol për të vazhduar në Europë.
Goli i Uzuni on Vidnews.
Ky kualifikim sjell në arkat e Laçit plot 500 mijë euro, një shumë e konsiderueshme për futbollin shqiptar. 240 mijë euro për pjesëmarrjen në turin e parë dhe 260 mijë euro për turin e dytë. Kjo ishte fitorja e parë në një ndeshje në Ligën e Europës për kurbinasit, pasi ndaj Rudarit u kualifikuan pas dy barazimeve dhe penalltive. Në raundin pasardhës, Laçi do të përballet me fituesen e çiftit Glenavon Molde.
