Ish-konkurrentja e “Big Brother VIP” dhe “Për’puthen”, Antonela Berisha, pak ditë më parë në emisionin “Ftesë në 5” rrëfeu eksperiencën në “Sanremo”. Ajo është përfolur shumë së fundmi, për shkak të pjesëmarrjes së saj në festivalin “Sanremo” të vitit 2022. Ajo rrëfeu se ishte angazhuar me aktivitetet e paradites para spektaklit, kryesisht në intervista të ndryshme me VIP-at. “Jam mësuar në televizionin shqiptar, këtu është ndryshe. Ndihesh shumë… se di të them, kënaqësi e madhe. Rashë direkt në sy me këto veshjet, kishin mbetur të gjithë me gojë hapur. Nuk e kisha imagjinuar që do arrija deri këtu ku jam, dhe për këtë jam shumë e lumtur, se kjo gjë sigurisht është edhe falë “Top Channel”, u shpreh ajo ndër të tjera. Përkundër qëndrimit të saj, Kryetari i Këshillit të Medias ka thënë se Antonela nuk ka qenë pjesë e Sanremos.
Kryetari i Këshillit të Medias, Koloreto Cukali, përmes “Top Albania Radios”, ka thënë se nuk ekziston aspak një lajm i tillë. Sipas tij, ka qenë vetëm një media italine që e ka postuar dhe më pas lajmi është fshirë. Ai ka shtuar se, si një person që e ndjek vazhdimisht “Sanremon”, ka kërkuar për pjesëmarrjen e Antonela Berishës, dhe nuk i ka rezultuar asgjë e tillë. Sipas tij, ekzistonte vetëm një screenshot, nga një portal italian, por që sot nuk është.
“Unë atë portalin nuk e gjej më. Ka portale që paguan. Kjo puna e “Sanremos” është thjesht në kokën e zonjushës, Antonela Berisha. Sanremo është një qytezë, që edhe ai që shet byreqe, thotë jam në Sanremo. Mirëpo, pjesëmarrja në qytet nuk të bën pjesë të një spektakli”.
