Kryeministri Rama u sigurua sot për të përçuar ndaj studentëve protestues të gjithë mesazhin që ai e kishte peng gjatë këtyre ditëve. Studentët, bashkërisht kanë arritur në pikën që një tryezë e përbashkët nuk do të ishte zgjidhja e duhur, për ti dhënë zgjidhje këtij ngërçi.
Por kjo formë urdhërese, nuk është mirëpritur aspak nga ana e kryeminstrit Rama, i cili e cilësoi edhe në lidhjen live në Facebook, si një ultimatum që nuk duhet ta prekte kurrsesi atë.
Teksa ai kërkonte nga studentët që ti qëndronin bindjes së një proteste paqësore, pa implikime politike, nga asnjë krah, nga ana tjetër ka ndodhur ajo që çdokush mund ta çonte ndër mend.
Dikush që “ia do të mirën” kryetarit të FRESSH-it, Eljo Hysko, i ka bërë publike mesazhet që ai ia ka dërguar të gjithë aktivistëve, në lidhje me komentet që duhet të bënin në faqen zyrtare të Ramës.
Dikush e ka “sabotuar”, dhe mesazhet e tij tashmë po bëjnë xhiron e rrjetit. Ende nuk e dimë se sa vërtetësi kanë këto mesazhe, ama ato po bëjnë xhiron e rrjetit, duke dëmtuar kështu imazhin e të dy palëve.
Sikundër duken qartë dhe nga fotot në fjalë, Hysko ia dikton me pika aktivistëve të FRESSH-it, atë që duhet të shkruajnë te komentet e kryeministrit.
