Kreu i shkencëtarëve të Organizatës Botërore të Shëndetësisë, Soumya Sëaminathan ka thënë se do të duhen 4-5 vite përpara se pandemia Covid-19 të vihet nën kontroll.
Gjatë një konference digjitale të organizuar nga “Financial Times”, Sëaminathan tha se kjo do të varet nga zhvillimi apo jo i koronavirusit, masat shtrënguese dhe zhvillimi i një vaksine.
“Do të thoja që mund të vihet nën kontroll për 4-5 vite. Faktorë thelbësorë janë zhvillimi apo jo i virusit, masat shtrënguese dhe zhvillimi i një vaksine.
Vaksina për momentin duket mënyra më e mirë për të mposhtur virusin, por ka shumë detaje mbi efikasitetin dhe sigurinë e saj, pa përmendur prodhimin dhe shpërndarjen e barabartë”, tha ajo.
Peter Piot, profesor i shëndetit global në Shkollën e Higjienës dhe Mjekësisë Tropikale në Londër i cili gjithashtu ishte duke folur në panelin FT, ra dakord që kontrolli i virusit varet nga zhvillimi i një vaksine efektive, por tha se “eliminimi” i sëmundjes ” do të kërkojë shumë, shumë më tepër ”.
“Vetëm lija është eliminuar dhe zhdukur si një sëmundje njerëzore. Ne do të duhet të gjejmë një mënyrë që shoqëritë të jetojnë me këtë dhe të ndryshojnë nga bllokimet në më shumë lloje të ndërlikuara, të synuara të ndërhyrjeve”, tha ai.
