Kreu i Grupit parlamentar të LSI-së, Petrit Vasili ka reaguar në lidhje me veprimet e sotme politike për votimin e kryeprokurorit të përkohshëm në parlament.
Vasili me anë të një statusi në “Facebook” shkruan se sot u dhunua hapur Kushtetuat e vendit me bekimin e Shteteve të Bashkuara të Amerikës. Ai thotë se reforma në drejtësi nuk ka filluar, por ajo vdiq në ditën e sotme.
Ndërsa ai shton se sot kryeprokurori u zgjodh pa vetting, duke rikujtuar se kjo strategji po e çon Shqipërinë mbrapa.
“Opozita është në mbrojtje të kushtetutës së Venecias dhe SHBA për ballafaqim me standardet e reja të reformës dhe qe çliron drejtësinë nga kapja. Qeveria e shqeu kushtetutën, rrëmbeu prokurorin dhe përçau vendin dhe kundërvuri shqiptaret me njeri tjetrin në një konflikt të thellë civil e shkatërrues.
Sot reforma në drejtësi nuk filloi, ajo vdiq përfundimisht bashke me shpresën e shqiptareve për një drejtësi të re”-shkruan ai.
Ai me një tendencë sulmon edhe ndërkombëtarët për këtë që ndodhi, pasi sipas tij, kush nuk e sheh është miop, kush e sheh dhe e mbështet kapjen e kryeprokurorit nga kryeministri,nuk është mik i Shqipërisë.
Statusi i plotë i petrit Vasilit në Facebook:
Sot u dhunua hapur kushtetuta e bekuar nga SHBA.
Sot kryeprokurori u zgjodh pa veting,pa veting e kuptoni ose me sakte ËITHOUT VETING,
per ata qe flasin anglisht.
Kushtetuta e reformuar e bekuar nga Venecia dhe nga SHBA ra dhe fitoi kushtetuta e droges se kryeministrit.
Opozita eshte ne mbrojtje te kushtetutes se Venecias dhe SHBA per ballafaqim me standartet e reja te reformes dhe qe cliron drejtesine nga kapja.Qeveria e shqeu kushtetuten,rrembeu prokurorin dhe percau vendin dhe kundervuri shqiptaret me njeri tjetrin ne nje konflikt te thelle civil e shkaterrues.
Sot reforma ne drejtesi nuk filloi,ajo vdiq perfundimisht bashke me shpresen e shqiptareve per nje drejtesi te re.
Kush nuk e sheh eshte miop,kush e sheh dhe e mbeshtet kapjen e kryeprokurorit nga kryeministri,nuk eshte mik i shqiperise.
