Kreu i Komisionit të Ligjeve dhe njëherësh deputeti i PS-së, Ulsi Manja, ka folur rreth procesit të votimit të Arta Markut në krye të Prokurorisë. Nga studioja e Report Tv, ai ka analizuar sjelljen e opozitës dhe betimin e Arta Markut si kryeprokurore e Përgjithshme e Përkohshme.
I pyetur se a qëndrojnë pretendimet e opozitës, se me veprimin e sotëm është shkelur Kushtetuta, Ulsi Manja është përgjigjur se këtë do ta përcaktojë Gjykata Kushtetuese, pasi në pikëpamjen e tij të dyja palët kanë pretendimet e veta në lidhje me këtë.
“Tani palët kanë pretendimet e tyre, opozita thotë se është shkelur, ne themi që nuk është shkelur. Por në fund të ditës nuk jemi ne ata që e vendosim. Ne jemi shprehur me votë, Shqipëria ka një prokuror të përgjithshëm tashmë. Këtë gjë e thotë Gjykata Kushtetuese. Ne ishin para këtyre fakteve. Ish- Prokurorit të Përgjithshëm i mbaronte mandati më 7 dhjetor dhe kushtetuta e re që ne miratuam së bashku kishte përcaktuar një tjetër mënyrë zgjedhjeje për Kryeprokurorin. Mandati i prokurorit të përgjithshëm mbaronte në 7 dhjetor, ndërkohë që Kuvendi ishte i detyruar të zbatonte ligjin i cili thotë se Kuvendin në momentin që nuk është krijuar KLP zgjedh një kryeprokuror me më shumë eksperiencë”-vijon më tej Ulsi Manja”-thekson Manja.
Gjithashtu ai është pyetur në lidhje me pasjen e tagrit nga ana e Kuvendi për të zgjedhur prokurorin e përgjithshëm, Manja shprehet se “Kuvendi ka detyrimin ligjor të përcaktojë Prokurorin e Përgjithshëm, qoftë edhe të përkohshëm. Me ligjin e ri do të kemi edhe zv/Prokuror të Përgjithshëm, gjë do të bëjë të mos kemi më këtë debat.
Arta Marku, ende nuk e ka kaluar procesin e vetingut, ndërsa në pikëpamjen e Manjës, ky proces do të fillojë së shpejti, pra do të jetë një përparësi dhe padyshim do t’i nështrohet këtij procesi.
“Vetingu është censi i Reformës në drejtësi. Pas mbarimit të tij i hapet rrugë krijimit institucioneve të reja të drejtësisë. Prokurorët tani që janë ngritur insitiucionet e Vetingut është hedhur shorti. Në momentin që zgjidhesh si Kryeprokurore i nënshtrohesh me përparësi. Çka do të thotë se nëse zonja Marku do t’i nënshtrohej Vetingut pas tre muajsh, tashmë do t’i nënshtrohet me përparësi procesit të Vetingut”-thotë ai.
