Kryeministri Rama ditën e sotme i pranishëm në një aktivitet për punësimin, është shprehur se në vend numërohen 83 mijë punëkërkues, duke shtuar se kjo është një shifër e lart, por ishin 150 mijë punëkërkues në vitin 2013.
Ai vijoi me tej duke thëne se këto janë shifrat më të ulta në 25 vitet e fundit dhe se shteti do të paguaj trajnimin e çdo personi të papunë.
“Sfida e punësimit ka një kompleksitet. Fillon nga kapacitetet e vendit për punë dhe jo sesa njerëz duan punë. Pra se sa njerëz e kanë aftësinë për punë. Në një vend që në 20 e kusur vite nuk u zhvillua arsimi profesional, sot përballemi me pasoja. Janë 10 mijë mundësi, 10 mijë njerëz që duan të punojnë. Ne do ti paguajmë për trajnimet me gjysmën e pagesës së papunësisë. Punëkërkuesit sot në Shqipëri janë 83 mijë. Është një shifër e lartë por ishin 150 mijë në 2013. Ashtu sikundër llafeve, që nuk dua ti hedh poshtë, pasi është problem, ka një tregues kuptimplotë. Ankesa dhe vajtimet janë kollaj, por zgjidhja është; puna, puna”.
Ai ka deklaruar se duhet trokitur në zyrat e punës, të cilat do të punojnë për realizimin e objektivit për punësimin. “Patjetër që do ketë dëshmorë, në radhët e atyre që drejtojnë zyrat nëse nuk realizojnë objektivin e kërkuar” tha ai, duke shtuar se “do te kemi 25 mijë të punësuar vetëm nga zyrat e punës”,- tha Rama.
