Tashmë Partia Socialiste ka nisur fushatën dhe kryeministri sigurohet që çdo ditë të nisë ditën me një mesazh për qytetarët.
Këtë herë, Rama është zgjuar “me çadrën”, teksa ironizon heqjen e saj nga bulevardi “Dëshmorët e Kombit”, pas arritjes së marrëveshjes.
Duket se kryeministri është “i shqetësuar” me atë që do ndodhë tashmë me çadrën dhe për të vazhduar funksionin e saj, Rama e ka nxjerrë me qera në Facebook.
Më poshtë kartolina ironizuese e kryeministrit për opozitën.
“MIRËMËNGJES
dhe me këtë kartolinë ekskluzive ju uroj gjithë qytetarëve e vizitorëve të Tiranës sot, hapjen e bulevardit ku rikthehet jeta normale
Tanimë është hapur edhe rruga e Vetingut për të cilin luftuam aq fort së bashku dhe duke uruar një ditë të mbarë për të gjithë, ju siguroj se siç luftuam e fituam për Vetingun, do të luftojmë e fitojmë për rritjen e mëtejshme të ekonomisë e punësimit.”
