Gjatë takimit me banorë të Manzës, Rama foli lidhur me 21 janarin. Kryeministri tha se shpesh e pyesin përse nuk është bërë drejtësi lidhur me 21 janarin, ndërsa shkak për këtë tha se ishin gjykatësit e korruptuar.
Me miratimin e Vettingut, Rama tha se do zgjidhet edhe kjo çështje, pasi drejtësinë e vënë gjykatësit dhe jo partia.
“Këta të libra-s thanë që Edi Rama tradhtoi 21 janarin. Pse nuk është bërë ene drejtësi për 21 janarin?
Sepse drejtësinë e bëjnë gjykatësit. Atëherë si e shita unë 21 janarin nis sot ka fillu puna për Vettingun. Ça do bëjë Vettingu? Vettingu do heqë ata gjykatës që s’ta japin po s’ua bleve.
Nuk është kjo histori, ore pse s’e fute ti në burg? Pse çfarë jam unë? Për të ndëshkuar grabitjet e mëdha të njerëzve me pushtet duhet drejtësi si nga ato të dashit, përndryshe si u bëka kjo punë?
Drejtësinë e vënë gjykatësit, nuk e bën partia”, u shpreh Rama.
