Gjatë bashkëbisedimit me gazetarët në Llogara, kryeministri Rama ka folur edhe për marrëdhënien e tij me liderin historik të socialistëve.
Rama pranoi se ka një raport të mirë me Fatos Nanon, teksa tha se marrëdhënia me të është e një cilësie tjetër, krahasuar me atë të pak kohëve më parë. Mes të tjerash, kryeministri tha se PS nuk trashëgohet, por fitohet.
“Marrëdhënia ime me Fatos Nanon është me cilësi të tjera se para disa kohësh. Unë se kam marrë PS me trashëgim. Kush do vijë para, duhet ta fitojë jo me trashëgim. Zaho është ende i vogël dhe do vendosë vetë nëse do merret me politikë. Ndaj PS nuk mund t’ia trashëgojë atij”, theksoi Rama.
