Kryeministri i Maqedonisë së Veriut, Zoran Zaev u shpreh se nëse pronarët i rrisin pagat e punonjësve të tyre me 100 euro, atëherë shteti do t’u paguajë kontributet, si dhe sigurimet e pensioneve dhe të shëndetit.
“Nëse e rrisin pagën deri 100 euro kontributet do t’i paguajmë ne nga shteti edhe gjithashtu sigurimin e pensionit dhe atë shëndetësor. Vetëm për t’u rritur pagat”, tha Zaevi.
Sa i përket hapjes së negociatave, kryeministri maqedonas theksoi se në selinë e BE-së foli qartë, ndërsa shtoi se vendi përfundimisht pret të bëhet shtet modern, anëtare e ardhshme e NATO-s dhe Bashkimit Evropian.
“Jemi pranuar nga e gjithë bota. Në selinë e Bashkimit Evropian kam folur në gjuhën maqedonase, të pranuar nga e gjithë bota. Shkojmë guximshëm, punojmë me dashuri, e duam atdheun”, pohoi Zaev.
