Këto kohë, Italia po përballet me vendime të vështira lidhur me shpenzimin e parasë publike.
Kryeministri i Italisë, Giuseppe Conte po kërkon qetësi në kabinet për t’i vazhduar bisedimet me Bashkimin Evropian për borxhin, ndërsa ka paralajmëruar dy partitë populiste në vend se do të japë dorëheqjen, nëse nuk i japin fund konfliktit mes tyre.
Bëhet fjalë për partinë “Lidhja” dhe “Pesë Yjet”, të cilët janë përçarë për shkak të disa çështjeve.
Conte tha se këto parti duhet t’i respektojnë e zbatojnë detyrimet e qeverisë, ose në të kundërt do t’i japë fund mandatit.
Ndërkohë, kryetari i partisë “Lidhja”, Matteo Salvini ka deklaruar se synimi i tij nuk është të rrëzojë qeverinë, teksa shtoi se reformat duhet të çohen përpara.
