Pjesë e protestave kundër racizmit është bërë edhe kryeministri i Kanadasë Justin Trudeau.
Siç mund ta shikoni edhe në videon e mëposhtme, Trudeau u ul në gjunjë bashkë me protestuesit e tjerë, teksa mbante një maskë të zezë mbrojtëse për shkak të pandemisë.
Demonstrata u mbajtën në disa qytete kanadeze, në nder të George Floyd.
Kryeministri Trudeau u ul 3 herë në gjunjë, bashkë me protestuesit, një gjest që është përdorur në shenjë proteste kundër brutalitetit policor ndaj komunitetit afro-amerikan.
Ai u largua kur pjesa tjetër e protestuesve nisën të marshojnë përpara Ambasadës Amerikane, shumë pranë godinës së parlamentit.
Kujtojmë se vdekja e Floyd ka shkaktuar një revoltë të madhe popullore dhe protesta të shumta në disa qytete amerikane.
Floyd, 46 vjeç, vdiq disa ditë më parë, pasi u ndalua nga oficerët policorë, njëri prej të cilëve i bëri presion me gju në qafë dhe afrikano-amerikani pak orë më pas, ndërroi jetë.
