Teska pak muaj na ndajnë nga zgjedhjet parlamentare, partitë politike kanë ndezur motorët për fushatën elektorale.
Kryetarja e LSI Monika Kryemadhi thotë se partia që ajo drejton po angazhohet në çdo organizatë ku ndjehet entuziazmi për shpresë të re.
Sipas saj çdo votë është e rëndësishme për të përmbushur këtë qëllim dhe per ta bërë Shqipërinë një shtëpi për të gjithë shqiptarët.
‘’LSI është duke u angazhuar aktivisht në çdo organizatë, ku anëtarët tanë ndjejnë entuziazmin e shpresës së re që po lind për vendin tonë. Çdo anëtar dhe çdo votë është e rëndësishme për të përmbushur këtë qëllim dhe per ta bërë Shqipërinë një shtëpi për të gjithë shqiptarët’’, shkruan Kryemadhi në Facebook.
https://www.facebook.com/KryemadhiMonika/posts/3183584028420984
Zgjedhjet e ardhshme parlamentare do të mbahen më 25 prill të vitit 2021.
Ndërkohë, nuk dihet ende sistemi zgjedhor i cili do të aplikohet, pasi mazhoranca dhe opozita ende nuk kanë gjetur dakordësi në Këshillin Politik.
