Kryetarja e LSI, Monika Kryemadhi, e ftuar në emisionin “Natë me Xhaxhiun”, në “Fax News”, ka dalë kundër kritikëve të kryedemokratit Lulzim Basha. Me nota ironie, ajo thotë se demokratëve nuk u intereson statuti, por largimi i kryetarit të PD-së.
“Sot ata që kanë ngrënë nga Partia Demokratike, janë kundër Lulzim Bashës dhe çojnë ujë tek Edi Rama.
Atyre nuk u intereson statuti, por largimi i Bashës. Sikur Lulzim Basha është e keqja e këtij vendi. Sot ka dy grupime, ose je me opozitën, ose me Edi Ramën”, tha Kryemadhi.
Sipas saj, sot çdo forcë duhet të bashkohet kundër së keqes që qeveris vendin.
