Vazhdojnë akuzat e LSI-së ndaj kreut të partisë bashkëqeverisëse, Edi Ramës. Në një takim elektoral në Mollas, Monika Kryemadhi tha se Rama ka nënshtruar Lulin e Vogël, por nuk do të arrijë të nënshtrojë Shqipërinë.
Kjo sepse sipas saj, nuk do e lejojë rinia shqiptare.
“Edi Rama ka nënshtruar Lulin e Vogël. Por, nuk mund të nënshtrojë dot shqiptarët sepse Shqipëria nuk nënshtrohet.
Shqipëria nuk nënshtrohet, sepse ka garant Lëvizjen Socialiste për Integrim, sepse ka një rini të mrekullueshme, që është e jashtëzakonshme, e cila ka zgjedhur si forcë të saj Lëvizjen Socialiste për Integrim”, është shprehur Kryemadhi.
Akuzat mes LSI-së dhe PS-së ka qenë të pafundme që nga marrëveshja e famshme e 18 majit mes Bashës dhe Ramës.
