Pas fjalës së mbajtur nga kryetari i PD-së, Basha, fjalën e ka marrë kryetarja e LSI-së, Monika Kryemadhi, e cila tha se do qëndrojnë pranë qytetarëve, pasi Rama i ka lënë në mëshirë të fatit.
Sipas saj, kryeministri Rama ka shkatërruar dhe varfëruar popullin, vetëm për të pasuruar 5 njerëz. Me tone të ashpra, Kryemadhi u shpreh para protestuesve se Rama është turpi i shqiptarëve, ashtu siç kanë qenë edhe vendimet më të bujshme që ka pasur në historinë e Shqipërisë.
Ndër të tjera, ajo ka premtuar se do të jetë pranë shqiptarëve në çdo kohë. “Prezenca jonë nuk është vetëm për sot, por do të jetë çdo ditë”, tha ajo.
