Kryetarja e LSI, Monika Kryemadhi deklaroi se nuk e sheh si “aleat” Presidentin e Republikës, Ilir Meta në zgjedhjet parlamentare të 25 prillit, madje ajo thotë se e kundërta është e vërtetë.
“Nuk e shikoj si një aleat e shikoj si president që ka përgjegjësinë që Shqipëria të ketë zgjedhje të lira dhe të ndershme pasi 25 prilli është një datë e dekretuar prej tij dhe ka përgjegjësi”, deklaroi Kryemadhi në “Ilva Now”.
Ajo shtoi se Partia Socialiste po përpiqet që ta paraqesë Metën si strukturë apo unifikim të LSI por në fakt tha ajo nuk e shikon kështu.
“Mua personalisht si Monikë më prish punë, jam e bindur që edhe në momente të caktuara edhe kandidatëve të LSI mund t’i krijojë një problem”, tha ajo.
E pyetur nga Ilva Tare nëse ia shpreh këtë shqetësim, Kryemadhi u përgjigj: “Nuk flas fare sepse është një debat që nuk ka për të dalë asnjëherë as me humbës dhe as me fitues”.
