Kryetarja e LSI, Monika Kryemadhi e ka pranuar për herë të parë se ka kaluar Covid-19.
E ftuar në “Open”, Kryemadhi tha se në momentin që është futur për tu bërë operacion për bajamet ka marrë vesh që ka kaluar koronavirusin.
Ajo u shpreh se nuk e ka kuptuar fare pasi nuk ka pasur as këputje dhe se temperaturë, por që testi serologjik, ia ka vërtetuar se e ka kaluar. Më tej, Kryemadhi zbuloi se të gjithë si familje i kanë bërë testet, por që askush në familjen e saj, përveç kryetares së LSI-së, nuk e ka kaluar.
“E kam kaluar koronavirusin, as nuk e kuptova fare…S’kisha as temperaturë as këputje, as asgjë. Kur u futa të bëhesha operacion për bajamet, mjekët më thanë që e kisha kaluar. Maskën s’e kam vënë sepse s’kam puthur asnjë në buzë, përveç Ilir Metës. Edhe Metën që e kam puthur, s’e ka kapur dhe këtë gjë e kanë treguar testet. I kemi bërë të gjithë, i bëjmë herë pas here, se duhet t’i bëjmë.”, tha Kryemadhi.
