Kryetarja e Lëvizjes Socialiste për Integrim, Monika Kryemadhi u pyet nga News 24, nëse opozita ka zbutur qëndrimet e saj. Kryemadhi tha se dorëheqja e Edi Ramës nuk është tabu dhe u bëri thirrje protestuesve të mos bien pre e provokimeve.
“Nuk është tërheqje, provokimet që bën Edi Rama dhe Ministria e Brendshme, u bëjmë thirrje qytetarëve që të mos u përgjigjen. Çdo akt dhune i zgjat jetën Edi Rama, deklaratat e Bundestagut gjerman ku thotë se ne nuk i njohim zgjedhjet pa opozitën në Parlament. Dorëheqja e Edi Ramës nuk është tabu. Çfarë është më e mirë për qytetarët, karriga e Edi Ramës, e kryetarëve të partive të opozitës apo jeta e qytetarëve. Më e rëndësishme për të gjithë ne është e ardhmja e qytetarëve”, u shpreh ajo.
