Kryetarja e Lëvizjes Socialistë për Integrim, Monika Kryemadhi i është përgjigjur pozitivisht ftesës së kryetarit të Partisë Demokratike, Lulzim Basha për një tryezë të gjerë. Në një deklaratë për median Kryemadhi tha se Saimir Tahiri është hallka që lidh qeverinë me krimin duke shtuar se situata në vend është e rëndë dhe qytetarët janë të rrezikuar.
Kryemadhi: Situata e krimit në vend është e rëndë. Qytetarët e këtij vendi janë të rrezikuar. Krimi është ulur këmbëkryq. Ashtu si u pa sot. Saimir Tahiri është hallka që lidh qeverinë me krimin. Me bekimin e Ramës, arkat e oligarkëve pastrojnë paratë. Ka shumë ndasi që na ndajnë më partitë e tjera, por ato që na bashkojnë në luftën kundër drogës dhe kriminelëve na bashkon akoma më shumë. Mbështes iniciativën e Bashës për një tryezë të gjerë dhe do ti bashkohem takimit.
Më herë kryedemokrati, Lulzim Basha në një deklaratë për median tha se kryeministri Edi Rama shiti Saimir Tahirin vetëm për të shpëtuar lëkurën e tij. Basha përmendi se më parë Rama e kishte mbrojtur Tahirin mbi 1400 herë por sot e shiti vetëm për të shpëtuar vendin.
Gjithashtu, Basha bëri një njoftim të rëndësishëm duke thënë së fton të gjithë spektrin opozitar dhe të partive që duan drejtësi në këtë vend për një tryezë të pqrbashkët.
Basha: Habilaj i ka paguar miliona euro në dorë Saimir Tahirit. Mijëra herë PD-ja ka akuzuar Tahirin për lidhje me drogën, por Rama e ka mbrojtur 1400 herë. Edhe kur Zagani denoncoj Rama sërish e mbrojti. Sot, Edi Rama e shiti Saimir Tahirin vetëm për të shpëtuar lëkurën e tij. Tahiri nuk është as më shumë as më pak se ndërmjetës i Ramës me Habilajt dhe Shullazët. Ditë më pas do të dalin fakte të tjera për personave e tjerë të lidhur me drogën. Do të dalin fakte se si Rama me paratë e dogës bleu zgjedhjet. Nesër Partia Demokratike do të thërras nesër një tryezë për të gjithë spektrin opozitar dhe të partive që duan drejtësi në këtë vend.
