Kreu i Bashkisë së Shijakut, Ardian Kokomani, i është përgjigjur kërkesës së bërë nga Agron Duka me anë të një statusi në Facebook se vota e ekipit të Erzenit duhet të shkojë për Armandin. Kryebashkiaku, njëherësh edhe president i klubit të Erzeni nuk është aspak dakord me kërkesën që i ka bërë Duka i PAA-së dhe mënyrën që zgjodhi për ta bërë diçka të tillë.
Por kësaj kërkese i kreu i Bashkisë së Shijakut është shprehur i indinjuar dhe është shprehur se vota nuk ka pse të lokalizohet, por do të shkojë për atë që e meriton. Po ashtu bashkia e Shijakut shpenzon shumë para për futbollin dhe asnjëherë nuk i është kthyer diçka mbrapsht nga FSHF, qoftë dhe investimi më i vogël.
Ardian Kokomani i kontaktuar nga gazeta “Bulevard” është shprehur i indinjuar duke pohuar se:
“Votat nuk kërkohen nëpërmjet facebook-ut, por janë fryt i punës së 16 viteve nga ana e Armando Dukës, në krye të Federatës Shqiptare të Futbollit.
Dhe unë si kryetar i Bashkisë së Shijakut, që investoj 200 milionë lekë për ekipin e qytetit jam shumë i indinjuar me punën e bërë nga ana e zotit Duka, si Drejtues i FSHF-së në këto 16 vite. Unë investoj, heq nga buxheti i bashkisë 200 milionë lekë dhe ata e shumëzojnë me zero investimin tonë.
Vota ime si drejtues i Ekipit të Erzenit s’ka lidhje me aktivitetin tim partiak, por ka lidhje me punën objektive të kryer përgjatë këtyre viteve nga ana e Dukës.
Nuk kam asgjë me familjen Duka, përkundrazi gëzojnë respektin tim në këtë drejtim, por nuk duhet përdorur kjo situatë politikisht. S’mund ta dredh votën time pa objektivitet, sepse duhet zgjedhur njeriu i duhur për ta drejtuar futbollin.
Dhe në kaq vite që unë drejtoj Bashkinë e Shijakut, zoti Duka nuk ka ardhur asnjëherë në stadium për ta parë ekipin e Erzenit, por e kemi mbajtur gjallë me forcat tona.
As ai dhe as ndonjë tjetër se ka mbështetur deri më sot ekipin e qytetit tonë, që të dali dhe të na kërkojnë vota publikisht. 200 mln të vjetra, se kupton ai akoma, ka ardhur ndonjëherë për ta parë ekipin e Shijakut në stadium?
Nuk mund të jap votë se më thotë Goni apo kush tjetër, do i’a jap votën atij që punon për ta marrë votën si përfaqësues i klubit të Erzenit. Dhe Duka nuk ka hedhur asnjë tullë për ekipin e Erzenit”, ka pohuar Kokomani për gazetën “Bulevard”.
