Ditën e sotme u konstituua këshilli bashkiak i Vaut të Dejës, ndërsa është betuar edhe kryebashkiaku i ri, i dalë nga zgjedhjet e 30 qershorit, Mark Babani.
Mirëpo, ka tërhequr vëmendjen ambienti ku është zhvilluar ceremonia e betimit. Për shkak se salla e e këshillit në ambientet e bashkisë aktualisht po restaurohet, ceremonia është mbajtur në një qendër shëndetësore. Këshilli bashkiak i Vaut të Dejës përbëhet nga 31 anëtarë, ndërsa kryetar i këshillit u zgjodh Mark Bisha me vota unanime.
Po ashtu, të pranishëm ishin deputeti Tom Doshi, koordinatori i qarkut politik të Shkodrës Valdrin Pjetri dhe zv.ministër i Brendshëm, Besfort Lamallari.
