Kryebashkiaku i Londrës në Britaninë e Madhe, Sadiq Khan, u ka kërkuar qytetarëve që të vazhdojnë të qëndrojnë në shtëpi dhe të mos e përdorin transportin publik.
Ai i tha BBC-së, se të hënën, ka pasur një rritje prej 10% në përdorimin e transportit të metrosë në Londër, krahasuar me të njëjtën kohë javën e kaluar.
“Mesazhi kryesor nga kryeministri mbrëmë dhe unë sot është që të mos përdorin transportin publik – transporti publik është vetëm për punëtorët thelbësorë”, tha ai.
Kujtojmë se ditën e djeshme kryeministri i Britanisë së Madhe, Boris Johnson pohoi se nuk do të ketë dalje të menjëhershme nga izolimi, por do të fillojë lehtësimi gradual i masave.
