Kreu i Bashkisë së Kavajës, Isa Sakja ka reaguar pas procesit të mbylljes së votimeve për zgjedhjet vendore, votime që opozita e bashkuar i braktisi.
Sakja ka falënderuar me anë të një postimi në Facebook të gjithë qytetarët e bashkisë së tij që zgjodhën të bojkotojnë votimet.
Sakja thotë se sipas burimeve të tij që kanë monitoruar dhe filmuar me kamera Qendrat e Votimit, nga 63,445 votues në Kavajë kanë marrë pjesë në proces vetëm 5,208.
Nuk kanë munguar as akuzat lidhur me procesin e votimeve, teksa sipas kryebashkiakut ka patur edhe raste kur një person ka votuar mbi 4 herë.
Reagimi i kryebashkiakut Isa Sakja:
Faleminderit Kavaja!
Faleminderit qytetarë të bekuar të bashkisë së madhe Kavajë, qytetarë të Luzit, Golemit, Synejit dhe Helmasit që refuzuat dhe përbuzet me trimëri farsën e sotme elektorale!
Nga monitorimet tona të filmuara në çdo qendër nga anëtarët e mbështetësit tanë, nga media lokale dhe ajo kombëtare për 12 orë rresht rezulton të kenë votuar 5208 vetë nga 63445 votues të regjistruar ose rreth 8% e personave me të drejtë vote.
Faleminderit që sfiduat presionin!
Keqardhje për ju që votuat për të gjithë familjen, ju që votuat mbi 4 here.
Ju kemi te dokumentuar dhe te identifikuar.
Keqardhje qe nuk u ngritet dot ne lartesine e shpirtit te lire e demokrat kavajas.
#rroftekavaja
#rroftedemokracia
#qytetibekuar
