Shtatë punonjëse janë helmuar në një fabrikë këpucësh në fshatin Budull të Krujës.
Mësohet se punonjëset kanë pasur vështirësi në frymëmarrje, të vjella, marrje mendsh dhe ulje tensioni. Pas këtyre simptomave, ato janë dërguar menjëherë në spitalin e Krujës ku kanë marrë trajtimin e duhur mjekësor.
Mësohet se punonjëset ndodhen jashtë rrezikut për jetën, ndërsa po punohet për zbardhjen e ngjarjes.
