Kryeministri i Kosovës, Albin Kurti vizitoi në spital, të plagosurit nga aksidenti tragjik i mëngjesit të kësaj të diele. Në deklaratën për mediat, ai thotë se një pjesë e mirë e pasagjerëve kanë qenë në gjumë gjatë momentit të aksidentit.
Kreu i qeverisë së Kosovës, u ka shprehur ngushëllime familjarëve të viktimave si dhe u solidarizua familjet e të plagosurve. “Kjo është një ditë shumë e rëndë, me dhembje e pikëllim për gjithë popullin tonë. Kjo fatkeqësi, kjo tragjedi është tejet e rëndë për ne”, u shpreh Kurti.
Kurti njoftoi se do të ketë ditë zie në Kosovë të hënën (nesër). Kurti gjithashtu falënderoi kryeministrin e Kroacisë, Andrej Plenkoviç dhe stafin mjekësor të spitalit që u morën të lënduarit në aksident.
