Kryeministri i Italisë, Giuseppe Conte, ka folur rreth krizës politike në Shqipëri, teksa i ka bërë thirrje mazhorancës dhe opozitës të ulën për ta zgjidhur atë.
Gjatë fjalës së tij në konferencën me kryeministrin Rama, Conte u shpreh se mazhoranca duhet t’i propozojë opozitës një platformë për zgjidhjen e krizës, teksa shtoi se dialogu duhet të zhvillohet pa kushte nga të dyja palët.
“Populli është shprehur pro anëtarësimit në BE, dhe kjo përbën një tjetër shtysë. Rama më konfirmoi se është i vendosur që të vijojë në këtë rrugëtim, në realizimin e reformave, kryesisht të Reformës në Drejtësi. Një pjesë e bisedës sonë u ndal te bashkëpunimi më i thelluar në luftën ndaj kriminalitetit dhe trafiqeve të paligjshme.
Vëmendja jonë është përqendruar te aftësia e Shqipërisë për të zgjidhur krizën politike, që do tregojë dhe një sinjal të pjekurisë politike dhe institucionale. Mazhoranca dhe opozita kanë interes ta zgjidhin këtë krizë. Është e rëndësishme që mazhoranca t’i propozojë opozitës një platformë për zgjidhjen e krizës dhe dialog të zhvillohet më tej pa kushte”, tha kryeministri italian.
